Шолжерча полице наркотикаш яьхар, рейд еча хана
Гӏалгӏайче наркотикаш йохкара тӏахьожам лоаттабеча «Сунженский» даькъ тӏарча полице болхлоша гучадаьккхар наркотикаш лелаеш хилар. Из гучадаккхар чудоагӏаш дар сихача хьехама болх Шолжа шахьаре дӏахьош хиларца.
«Лада Приора» яхача автомобила чухьежачул тӏехьагӏа, бампера кӏалхара корайир наркотиках тара йола цхьа хӏама. Гӏалгӏайче гӏолла йолча Россе МВД ЭКЦ эксперта чӏоагӏдир из 0,62 грамм мефедрон хилар. Иштта бокъонаш лораераша цунгара хьаяьккхар трамадол яха таблетка, из молха хилар 0,21 грамм», - аьлар «Сердало» газетага Гӏалгӏайче гӏолла йолча Россе МВД зарбан болх лелабераша.
Полице гулъяь материалаш уголовни гӏулакха юкъейоагӏаш я. «Сунженский» оалача даькъо цу сага духьала РФ УК 1 д. 228 ст. (бокъо йоацаш наркотикаш лелаяр) статья кийчъеш я. Суд хинна яллалца, шийга ӏаьдал кхайкача хьатӏавоагӏаш хургва из. Цун гӏулакх хӏанз дӏахо тохкаш да.
