Шолжа кхале 410 дезала новкъостал дир, бераш ишколе долхаш кийчде
01.09.2024 14:03
Хӏара шера дӀахьош болча «Бер деша даха кийчде» яхача болама чудоагӀаш, карарча шера таро йоацача 410 дезала новкъостал дир, бераш деша долхаш кийчде, цу юкъе СВО доакъашхой бераш а долаш, яхаш, дийцар «Сердало» газетага.
Таро йоацача 274 дезалера а, иштта СВО доакъашхой 136 бер а эшаш мел долчунца кийчдир деша даха. Цул совгӀа, тӀабувхабу дешара гӀирс эцара лаьрхӀа ахча а делар берий даьшта.
Из, таро йоацарашта меттел, таро ярашта а дика новкъостал да, хӀана аьлча духхьал тетрадь, къоалам, кхыдола гӀирсаш эцаш а дукха ахча дӀадода.
«Цу тайпара болам хӀара шера дӀахьош ба, цо таро хулийт халача хьале болча наьха гӀулакх аттача даккха», - аьлар Шолжа кхален администраце.
