Шолжа кхале ӏаьржа хий дарах этта чоалхане хьал юхатохаш ба
Шолжа кхален Эбарга-Юрта бахача наха хий чудалара долча хьалага кийчо яьй. Моттигера хий айдаларах хатар хилар Шоссейная урамах, иштта цу юхе гӀолла бахача наха. Хий гаргагӀертад наькъа а, наьха цӀеношта а, яхаш, дийцар «Сердало» газетага ГӏалгӀайчен Паччахьалкхено.
Чоалхане хьал юстардаккхара яхача бус болх дӀаболабир, хӀанз а дӀахьош ба. Сихача гӏо ду болхлой, наькъа бригадаш ден-бийсан, ха ца къовсаш, болх беш я, цига тӏаэзай лаьрххӀа йола техника.
Из болх дӀаболабича денз, цу моттиге ва республикан машений наькъа, транспорта министр Хаматхананаькъан Батыр. Боахама кулгалхочо сиха гӏо деча болхлой тоаба тӀахьожам бу, тӀаэц эггара чоалханегӀа дола хьал юстардаккхара дола гӏулакхаш.
Хӏанз укх сахьате болхлой лохагӏа долчара лаьтта айдеш, хин йистош чӀоагӀъеш болх беш ба, ма хулла Эбарга-Юрта бахача наха зе ца хилийта хьожаш.
