Шолжа кхале белгалбир «Зарница 2.0» толашбараш
Шолжа кхале белгалбир Ерригроссийски тӏема-патриотически «Зарница 2.» оалача ловзара юкъе котбаьннараш, яхаш, дийцар «Сердало» газетага «Хьалхарчар болам» яхача даькъ тӏа говзанча волча Налганаькъан Рамзана.
«Тӏеххьара ловзар дӏадихьар лакхача боарам тӏа. Бераша дика толамаш даьхар тоабашца долаш а къаьст-къаьстача яхьашка а. Котало яккхара геттара чӏоагӏа тӏакхувш хиларах Галашкарча №1 йолча ишколо котало яьккхар боккхагӏа болча дешархошта юкъе. Шоллагӏа моттиг яьккхар №5 йолча Гӏажарий-Юртарча тоабо. Кхоалагӏа моттиг Эбарга-Юртарча №2 йолча ишкола кхаьчар.
Юкъера ханаш йолчарца дикагӏа бола толам баьккхар Эбарга-Юртарча №2 йолча ишколо, шоллагӏа моттиг яьккхар Алхастерча ишколо-берий бешо. Кхоалагӏа хилар Эбарга-Юртарча №3 йолча юкъерча ишкола дешархой», - аьлар хоамо.
Тхога хоам баьчо яхачох, Галашкара тоаба хӏанз кхозлагӏа вӏаштта хьалхара моттиг йоаккхаш хьайоагӏа.
