Дегӏа могашал эшаенна вола зӏамига саг лохаш хилар Шолжа кхалера полици
Дегӏа могашал эшаенна вола 19 шу даьнна зӏамига саг, хьалеха, чувигар полице. «Шолжа кхале» яхача Россе МВД оагӏон болхлой бар цу гӏулакха оарцагӏбаьннараш.
«Сердалога» МВД беча хоамах, уж болча оарц деха енача кхалсага белгалдир, малхаваьннача дийнахьа денз, дегӏа могашал эшаенна вола ший 19 шу даьнна воӏ, укх бетта 15-ча дийнахьа цӏагӏара дӏаваха, чу ца воагӏа цхьа ди да, аьнна. Эггара халагӏа хиннар из ше никъ хьалаха ховш, чува ховргдолаш воацилга дар.
«Гӏажарий-Юрт» яхача оагӏон болхлой бар из лаха арабаьннараш, Шолжа кхален моттигашка хоам бир, массанега кхайкарал дир цу гӏулакхах. Из саг хьалахара полице болхлоша кхетадора малагӏча моттигашка гӏолла гобаккха беза. Эбарга-Юртарча паркера хьакораваь, чувоалавир из.
Даьла къахетамца могаш-маьрша волаш, цхьаккха хьаштдоацача хӏаман юкъе нийсваланза вар из.
