Шолжа кхале чакхъяьлар «Хьалхарчар Даьхе» яха доал деча даькъ тӏара проект
Шолжа кхале чакхъяьлар «Хьалхарчар Даьхе» яха доал деча даькъ тӏара проект, из лаьрхӏа яр къаман ӏадаташ, мах бараш дешархошта довзийта, яхаш, дийцар «Сердало» газетага из болх вӏашагӏбеллараша.
«Из дӏахьош, Шолжа кхален дешархоша ӏомайир Гӏалгӏайчен культура, ӏадаташ, истори, шоаш кхоллама оагӏорахьара хьагойтар, иштта хьамсарча мехкацара шоай безам гойтар, шоай дешара моттигаш дика кийчъяь хилар белгалдеш. Къаман мах бараш лоархӏаме хилар белгалдара, цун тӏехьален лерхӏам бара «Хьалхарчар болама» моттигерча даькъо кийчдир хьинар дарашта тайп-тайпара чоалхане декхараш.
Юххера а, котало яьккхар №3 йолча Эбарга-Юртарча юкъерча ишколо. Шоллагӏа моттиг яьккхар Эбарга-Юртарча №2 йолча юкъерча ишколо. Кхоалагӏа моттиг Келаматанаькъан А.М. цӏерагӏча Шолжа-Шахьара №4 йолча юкъерча ишколо», - аьлар хоамо.
Тхога хоам баьчо яхачох, гӏалгӏай мотт харца, ӏадаташца, эзделаца дувзаденна хаттараш дар бераш терко тӏаяхийтараш, царна дукхагӏа дезаденнараш.
