Федеральни проекте дакъа лацарах дийцар Шолжа-Шахьарерча РДК
Укх шера Шолжа кхален культуран цӏа «Къахьегама толам» яхача федеральни проекта юкъедахар. Культуран оагӏонцара кхетаченаш дӏакхахьара болх боаггӏача боараме тоабарах дар из. Шин бетта болх беш, культуран цӏен къахьегамхошта дукха хӏама дайзад ала йиш я. Тахан хьадаьннача кердадарашка гӏолла болх дикагӏа тоабе, цхьацца хувцамаш де ӏемаб уж.
«Культуран цӏен балхаца чӏоагӏа лоархӏаме, беркате проект я ала деза цох, чулоацамга хьежача. Вахара оагӏонашка тематически чулоацам боаржабеш, афишашта лаьрхӏа кийча «кепаш» вӏашагӏйохкаш, иштта кхыдола хувцамаш юкъедоаладеш, хиннаб болхлой. Къаьстта лоархӏаме дар балха лостам хувцар, шоай логотип хьакхоллар. Иштта кхоллама кружокашка дӏаязбала йиш йолаш онлайн-болх бар боаржабеш, таьрахьашца дувзаденнарий Академеца цхьана кхетаче дӏайихьар. Дукха хӏама дайзар доакъашхошта шоай балха тӏа эшаргдолчох. Дикка къахьийга вӏашагӏъелла программа яр из», - йоах «Сердалога» РДК болхлошкара бенача хоамо.
Дӏабихьача балхага хьожаш, из малагӏча боараме чакхбаьккхаб белгалдеш, бар говзанчаш. Проекта болх дика чакхбаьккха хилар теркалдир цар. Кердача технологешца, пайдане хургда аьнна хетараш юкъелоацаш РДК болх тоабе лаьрхӏа ба къахьегамхой, хӏаьта из деррига ма хетта хьаоттаде дукха хӏама дайзад царна.
