Шолжерча ЦРБ наггахьа мара ца хулача лазарашта йола молхаш енай
16.01.2025 09:40
Цхьан цӀагӀара кхо йиӀиг цӀека лазар долаш я. Лораша цу лазарах буллёзни эпидермолиз оал.
Цу лазара духьала мелаш йола молхаш маьха еза я: цхьан кӀопилгах ши миллион совгӀа сом, хӀаьта цу кхаьннена эцача молахашта 100 миллион сом совгӀа ахча деза. Итазанаькъан дезала из дукха ахча да.
Наьна кхайкарала жоп делар «Дика гӀулакхаш» леладеш йолча ганзо. Цу тайпара уж маьха еза молхаш Шолжерча кхален дарбанче кхаьчар, цига уж йиӀигаш дарба деш я.
Итазанаькъан Мовлатхана дувц, уж йиӀигаш зӀамига йолча хана, шийна чӀоагӀа хала дар, яхаш. Из чӀоагӀа баркал оалаш я шийна гӀо даьрашта. ХӀанз кӀеззига йоккха хинначул тӀехьагӀа, йиӀигаш шоаш а хьож, лазар юхатохара шоай нанна новкъостал де.
