Россе Ди дездеш хиларца, мехкарча почтови моттигий балхаца хувцамаш хургда

«Укх бетта 11-ча дийнахьа почтови моттигий болх цхьан сахьата лоацбергба, хӏаьта 12-ча дийнахьа Россе еррига почтови моттигаш болх беш хургьяц. Укх бетта 13-ча дийнахьа массахана санна шоай болх дӏахьош хургба почте къахьегараш. Россе Ди дездеча дийнахьа цхьаккха хӏама дӏа-хьа кхухьаш хургбац почта болхлой. Республикерча Россе Вахара ганза оагӏонца къоастадаьча деношка дӏа-хьа кхухьаргда пенсеш, пособеш. Компане мобильни оагӏон pochta.ru сайте гӏолла шоаш бахача моттига эггара юхегӏа йола почта хьалаха аьттув ба бахархой», - йоах тхога мехкарча УФПС бенача хоамо.

Белгалде деза, вай республикерча УФСП 3 почтамт, курьераша хӏамаш дӏа-хьа кхухьаш цхьа моттиг, 55 стационарни моттиг йолга. 5ӏ5 болхло ва цига къахьегараш, царна юкъе 163 почтальона волаш.