ГӀалгӀайчен УПЧ новкъостал дир ӀӀӀ группан заӀапхочунна
02.04.2025 14:36
ГӀалгӀайчен сага бокъонех волча Викала болх беча моттиге яхар Наьсарен яхархо, кхоалагӀча группан заӀапхо, ший пенси тӀерадаьккха хилара латкъа, яхаш, дийцар «Сердало» газетага цу фусаме.
Цо яхачох, цунга цхьаккха тайпара хоам баьбац; пенсионни Ӏалашон балха тӀахьожам барах е цох хоадам баь хиларах.
«Цун лоткъамга хьежжа, ГӀалгӀай Республикан сага бокъонех волча Викала Россе Вахара ганзага хоаттам баьб. Цига из гӀулакх техкачул тӀехьагӀа, латташ долча хьалага хьежжа, 9 эзар 740 сом цунна доагӀаш хилар чӀоагӀдир.
Цул совгӀа, цунна хӀара бетта, кхоалагӀча группан заӀапхо хиларах, 3 эзар 333 сом доагӀаш хилар чӀоагӀдаьд, вахара хьалаш лоаттадарах бола мах дӀа а лоархӀаш», - аьлар ГӀалгӀайчен УПЧ, хоадам беш.
