ГӏР УПЧ, прокуратуро цхьана нах тӏаэцаргба
Тов бетта 30-ча дийнахьа, Гӏалгӏайчен сага бокъонех вола викал Цӏечой Ибрахӏим, республикан прокурора хьалхара гӏонча Воробьев Темур цхьана нах тӏаэцаш хургба. Из болх дӏахьош хилара бахьан да, Гӏалгӏайчен доазон тӏа бахача наьха законах йоагӏаш йола бокъонаш лораеш хилар.
«Цу дийнахьа бахархой таро хургья шоай хаттараш дахьаш цига хьабахка, иштта дехар язде, царна жоп лургда закона бокъонга, боарамга хьежжа, царна хьалхадоаккхаргда, шоай бокъонаш меттаоттаяра цар де дезар. Дерригача дехарашка хьожаргба Российски Федераце законо дӏадеххача тайпара», - аьлар «Сердало» газетага ГӏР УПЧ хоамий – аналитически даькъ тӏа.
Цига дакъа лацара нахага шоай паспорт хила деза. Иштта могаду лоткъам йоазонца баь хилийтар, деррига каьхаташ шоашца хьаэцар, царга дикагӏа хьажара.
Цхьана нах тӏаэцаш хиларо таро лу бокъонаш лораяра паччахьалкхен института, прокуратуран оагӏорахьара терко дикагӏа е.
Хьалххе дӏаязвала йиш я хӏара денна, 09:00 даьлча денз 17:00 сахьат даллалца, укх телефонах: 8 963-172-42-70, 8 (8734) 77-25-87.
