Мехкарча УПЧ бахархой тӏаийбу ди дӏахьоргда цхьана
Сага бокъонех вола викал Цӏечой Ибрахӏим, мехкарча Адвокатски палата президент Ховтанаькъан Зарета Магасе бахархой тӏаийбеш хургба. Бахархошта мах бала ца безаш, юридически оагӏонцара гӏо дара тӏехьа дӏахьош болх ба из. Цу оагӏонцара новкъостал эшашрашта дика аьттув ба из.
«Бахархошта, мах боацаш, цар бокъонаш лораяра тӏехьа новкъостал лоаттадарах йолча проектага гӏолла, дӏахьош ба из болх. Дӏатӏаводача сагага паспорт, ше тӏахьоча гӏулакхаца дувзаденна каьхаташ хила деза. Хьалххе телефон дӏатеха, дӏаязвала йиш я укх номерах: 8(963) 172-42-70 , 8(8734) 77-25-87 – хӏара дийнахьа ийс сахьатагара ялх сахьат даллалца; шоатта ди, кӏиранди доацаш», - дийцар «Сердалога» УПЧ.
Белгалде деза, иштта йола кхетаченаш дӏакхахьаро бахархошта доккха гӏо делга, цар гӏулакхаш аттача доахаш.
