ГӀР УПЧ цхьана нах тӀаэцаш хилар
ГӏалгӀайчен сага бокъонех вола Викал Цӏечой ИбрахӀим нах тӀаэцаш хилар, иштта цунца цхьана болх дӀахьош вар республикан прокурора декхараш кхоачашдеш вола Воробьев Темур. Кхетаче вӀашагӀйоллара бахьан дар, наха эшар фуд хар, закон телхадаь моттиг йий хьажар, иштта нах бахача моттигашка бокъонаш йовзийташ новкъостал дар.
«Нах тӀаэца ди долаш, тайп-тайпара хаттараш дар, царна юкъе къахьегама бокъонаш телхаеш хилар; лорий новкъостал дара а унахцӏено лораяра а бокъонаш цахилар; иштта пенсеца дувзаденна хаттараш. Цул совгӀа, цига дувца оттадаь хаттар дар, доал деча доазонашта юкъе маршрутах машин лелаш цахилар, масала, Оалкамаи Шолжа-Шахьараи юкъе. Цу дерригача хаттарех доагӀаш дола къамаьл хилар, уж теркаме а ийцар», - аьлар «Сердало» газетага ГӀР УПЧ аналитический даькъ тӀарча хоамо.
Цу тайпарча бокъоний институташа цхьана болх дӀахьош хилча; наьха бокъонаш меттаоттаю, мехка закон чӀоагӀду.
