Гӏалгӏайчен Росреестра Урхаллене, хьехама лекци йийшар
Гӏалгӏай Республике гӏолла йолча Росреестра Урхаллене, Россе Денна хетаяь, кхетам балара лекци дӏайихьар, яхаш, дийцар «Сердало» газетага Магаса кагирхой цхьанкхетарий Цӏен зарбан болх лелабераша.
«Кхетам» яхача Юкъарлон дешара балха чудоагӏаш, кагирхой цхьанкхетарий Цӏен кулгалхочо Гоамакортанаькъан Мустафас ладувгӏаш хиннарашца дийцар российски паччахьалкхе хьакхоллара истори. Цо ший къамаьл хетадир мохк дегӏабоалабара лоархӏамеча ханашта.
Ше къамаьл деш, цо дийцар Россе Ден истори. Доакъашхошка хьоахадир 1990 шера аьтинга бетта 12-ча дийнахьа РСФСР паччахьалкхено ший лоӏаме хилара Декларации тӏаэцарах, из мехка паччахьалкхен керттера цӏай хиларах», - аьлар хоамо.
Кхетачен доакъашхоша белгалдир, вай заман юкъарлонна Россе Ден лерхӏамах, иштта могадир исторически дагалоаттам лорабар, ӏадатий мах бараш чӏоагӏдар, паччахьалкхе дегӏайоалаяра кагирхоша дика дакъалаца дезаш хилар.
«Цу тайпарча кхетаченаш дӏаяхьаро таро лу гонахьардар дикагӏа довза, наьха сакхетам лакхбе, вай мехка никъ белгалбаь йола, цун хургдар дӏахо дӏахьош йола исторически оагӏонаш дикагӏа йовза», - аьлар Гоамакортанаькъан Мустафас.
