ГӀалгӀай паччахьалкхен 100 шу дизара хетабаь гойтам хьабийллар Урюпинске
18.12.2024 11:34
ГӀалгӀай паччахьалкхен 100 шу дизара хетабаь гойтам хьабийллар Урюпинскерча исбахьален-мехктохкама музее. Шин темах бола кхоачам бовзаргба гойтаме баьхкарашта: «ГӀалгӀайчен турпалаш - Даьхен лорбой», «ГӀалай, оаламий мохк». Цига экскурсеш дӀахьош ба гӀалгӀай паччахьалкхен музея болхлой бола Бохтаранаькъан Зураб, Мерешканаькъан Ӏийса. Из хоам тха газетага бир ИГМК зарбан болх лелабераша.
«Гойтаме хьокха оттадаьд тӀема операцен юкъе, Афганистанерча тӀем тӀа дакъа лоацаш хиннача турпалий сурташ. Иштта хьажархошта гургда гӀалгӀай лоаман моттигаш, гӀалай вахар довзийташ дола сурташ. ХӀаьта, Малсаганаькъан Тухана цӀерах йолча музея болхлоша гойтаме баьхкарашта дувцаргда вай къаман культурах, исторех», - хоам бу тха газетага.
