Машинаш шортагӏа хехкара тӏахьехаш болам дӏабихьар вай мехка
Магасерча Россе МВД ОГИБДД болхлоша машинаш сабаре, лоралуш хехкара тӏахьехаш бола болам дӏабихьар шахьаре. Из хоам «Сердалога» бера цу моттигера.
«Машинашца лелараш сих ца луш, фийла болаш хилара тӏехьехаш лоархӏаме болх ба тахан боаржабер. Къаьстта сабаре хила веза бераш долча моттиге, гӏаш тӏехбувларашта къоастадаь доазув долча кхаьчача», - йоах тхога бенача хоамо.
Машинаш сиха хехкар мел кхераме, доккха зулам доаржадеш хӏама да белгалдеш дола каьхаташ дӏадийкъар ГАИ болхлоша. Машин боарамал тӏехваьнна хехкаро дагадоацача хана доккха хатар хьахулийт, из кхетадеш, лорабала беза берригаш, шоай а гонахьарча наьха а уйла е еза.
Из хӏама теркалдеш боацараша дуккханешта доккха зулам деш моттигаш хиннай, цудухьа, ше цӏагӏара аравоалача хана, ше хьоча наькъа уйла еш, сабаре, Даьла цӏи йоаккхаш, дӏаваха веза машина ко лаьцар.
