Гӏалгӏай мехка ӏомабалар дӏахьош, терактага кийча миштаб хьежар
«Аьрзи» ПСО болхлой Наьсарен-Шахьара полице колледже ӏомабалар-кӏалхарбахар дӏахьош хилар, яхаш, дийцар «Сердало» газетага мехка МЧС.
«Къилбаседа Кавказа полице колледже ӏомабалара лаьрххӏа болх чакхбаьккхар «Цхьацца йола кхетаченаш дӏаяхьар, дукха нах болча моттигашка террористически зулам юхатохар» яхача темах», - аьлар цу боахама хоамо.
Из лоархӏаме гӏулакх да, дукхагӏа укхаза лорадер да наьха вахар, цар могашал, кхерамзле.
Из болх дӏабахьара керте латтар дар, моллагӏа дола зулам нийсделча, из юхатоха ӏомабалар. Массаза санна цу тайпарча моттигашка керттердар да кхерам тӏабоагӏаш хиларах нахага сиха хоам бар, уж сиха кӏалхарбахар.
Ӏомабаларо йоахар: теракт еш, колледжа дешархошта, хьехархошта тӏабоагӏаш ба кхерам. «Аьрзи» ПСО викалаша сиха шоай болх вӏашагӏбелла, дешархой а хьехархой а кӏалхарбоах кхераме йоацача моттиге.
Белгалду, «Аьрзи» ПСО тоабо из декхар дика кхоачашдир, из цу тайпара хьал эттача кийча хилар гуш дар.
