Дунен Шоллагӏа тӏом сацара хетаяь Денала урок дӏайихьар Яндаре
Дунен Шоллагӏа тӏом сацара хетаяь Денала урок дӏайихьар Яндарерча культуран цӏагӏа. Фашизм йохаеш, моастагӏчун наькъаш тедаш; деналца, майралца духьаллаьттача советски адамо гойта турпалал дагадохийташ; ди дар из.
«Къонача тӏехьен Даьхенцара безам, лерхӏам чӏоагӏбара тӏехьа дӏахьош болх бар цига хиннар. Мехка истори довзаш ураоттабе беза къонабараш»,- дийцар «Сердалога» культуран цӏен болхло йолча Йовлой Мадинас. Цу кхетаче дакъа лоацаш хилар юртара кагирхой, дешархой. Тӏема шерашка хинна хӏамаш дагадоха дезаш хилар уж. Дунен Шоллагӏа тӏом латтача хана, советски салташа гойтача деналах а цар моастагӏа лира тохаш вохаварах а дийцар Йовлой Мадинас.
Архивера сурташ, тайп-тайпара видеош гойтар къонабарашта. Къаьстта терко еш дийцар Котало яккхара тӏехьа лоархӏаме дакъа дӏалаьца болча вай къаман къонгех. Таханарча къонабарашта мехка истори ма дарра довзийтар лоархӏамеча декхарех да. Денала урокаш дӏакхахьаро дикка пайда бу цу оагӏонца. Яндарерча къонача тӏехьен дукха хӏама дайзар ала йиш я цу кхетаче. Из болх дикка терко еш дӏахохьош хургба культуран цӏагӏа.
