Герз дийтта вийна маӏа саг коравир Заьзгакъонгий-Юрта
Заьзгакъонгий-Юрта лаьттача «ВАЗ 2110» машина чу наькха юкъе герз дийтта вийна улла саг коравир. Из хоам «Сердалога» бир вай мехкарча Россе тохкама комитета болхлоша. РФ УК 105 даькъа 1-ча статьях гӏулакх хьадийллад ӏаьдало.
«2025-ча шера оагӏой бетта 3-ча дийнахьа юрт кхоачалучча латта «ВАЗ 2110» машин зийра наха. Тӏехьашкахьарча моттиге, наькха юкъе герз теха вийна уллаш, цу юртара саг вар», - йоах ӏаьдалгара кхаьчача хоамо.
Цу моттиге дӏакхаьчар вай мехкарча Россе СК тохкама оагӏон кулгал деш вола Асхабов М.А., иштта шоай балхах дика кхеташ бола тохкама болхлой, криминалисташ. Зулам даьча моттигага хьожаш хилар ӏаьдал.
Бахархошца къамаьл деш, массадола хӏама теркалдеш, къахьегаш ба цига тахан. Тохкама оагӏон кулгалхочо, ше тӏахьожам беш, дӏахьош болх ба из.
