ЕР хоржамий доакъашхошца кхетаче дӏахьош хилар Заьзгакъонгий-Юрта
Заьзгакъонгий-Юртарча № 26 йолча ишкола хьехархошца кхетаче дӏахьош хилар Халкъа Гуллама депутаташ, «Цаӏ йолча Россе» хоржамий доакъашхой. Иштта цига гулбенна бар моттигерча парте оагӏон доакъашхой.
«Кхетаче дийцар дешара кабинеташ тоаярах, берашца тайп-тайпара оагӏонаш белгалдеш бола болх лоаттабарах, иштта хӏетта болх бе болалуш болча хьехархой оагӏув хьаллацарах. Къаьстта терко йир кхерамзлен хьалаца дувзаденнарашта. Хьехархоша дийцар хӏара денна шоай балхаца нийслуш долча кхоачамбоацарех.
Дукхагӏдараш духхьал дешара оагӏонца дувзаденна хинна ца ӏеш; берий даьшца, ноаношца, моттигерча юкъарча оагӏонашца дувзаденна дар», - дийцар «Сердалога» «Цаӏ йола Росси» яхача парте мехкарча моттиге.
Единороссаша белгалдир, иштта йола кхетаченаш дӏакхахьар моллагӏа кхоачамбоацараш гучадахара наькъ тӏа пайда беш, лоархӏаме долга.
