СВО Гӏалгӏайчен ветерана кхетаче хилар Тамбова кагирхошца
Гӏалгӏайчера лаьрххӏача тӏема операце ветеран Чопанаькъан Мухьмад дакъа лоацаш ва «Ший никъ» яхача дешара программе, из болх вӏашагӏбеллаб Тамбова паччахьалкхен Г.Р. Державина цӏерагӏча университето. Цига къамаьл дир Тамбова кагирхошца; цу юкъе дешархой, студенташ болаш.
«Чопанаькъан Мухьмада дӏайихьар Г.Р. Державина цӏерагӏча лицея дешархошца Денала урок. Цо дийцар дешархошта денал долаш хилара малагӏа лерхӏам ба, бехктокхаме хилар тӏема мугӏарашка латтача бӏухочун хьалхара декхар долга. Цу тайпара кхетаченаш хиларо таро лу кагирхошта тӏема даькъ тӏара халонаш, бехктокхам бовза, Даьхе лораяр, уллув вар хьаллацар, гаргара нах биццабар яхилга фуд ха», - аьлар «Сердало» газетага «Даьхен лорабой» ганза моттигерча даькъе.
СВО ветеранашта лаьрхӏа дола дешар дӏахьош да Россе ӏилман, лакхарча дешара Министерствос, «Аз доаккхал ду» яхача Ассоциаце, «Даьхен лорабой» ганза хьаллоацаш. Из дӏахьош хилара керттера бахьан да: тӏем тӏара цӏабаьхкача бӏухошта шоашта еза моттиг лохаш новкъостал дар, кагирхой политике цар шоай моттиг хьалацар. «Ший никъ» яха проект хилар бахьан долаш, доакъашхоша хьехархочун говзал ӏомаю, амал даьчул тӏехьагӏа маьршача вахарга боал.
