ГӀалгӀай къаман
юкъара газет

Новости


СВО доакъашхочун къамаьл хилар, Наьсарерча ишкола-интерната берашца

СВО доакъашхочун къамаьл хилар, Наьсарерча ишкола-интерната берашца

Гӏалгӏайчен «Даьхен лорабой» ганза филаиала вахара оагӏонца бувзабенна болх лелабеча Тиймарзанаькъан Луизас лаьрхӏар, Наьсарен-Шахьара ишкола-интерната берашца СВО доакъашхочунца Дадашев Расулаца кхетаче дӏаяхьар вӏашагӏдолла. Цига ветерана дийцар тӏема декхарах, вошалах, деналах лаьца. Цо кхувш йоагӏача тӏехьен терко тӏаяхийтар машара, Даьхе езара, цун хургдолчун хьалхашка хӏаравар бехктокхаме хилара.

«Дешархоша боккхача безамца ладувгӏар хьаьшо деча къамаьлага, шоай хаттараш дора, иштта ветерана баркал аьлар, цунца цхьана латташ сурташ даьхар. Цу тайпара кхетаченаш дӏахьош хиларо таро лу турпалхой бовзар меттел, уж бӏаргаго, книжка тӏара хинна а ца ӏеш, уж шоашта бовзаш хила. Тхона лоархӏаме да, кхувш йоагӏача тӏехьенна Даьхе езаргйола оагӏув гойтар, из царна хьалхаяккхар, цар бехктокхам лакхбар», - аьлар Тиймарзанаькъан Луизас «Сердало» газетага.

«Даьхен лорабой» ганза филиал дӏахо а цу тайпара болх дӏахьош я, кхувш йоагӏача тӏехьенна тӏема-мехкагадаккхара кхетам балар совдоаккхаш, царна ӏадаташ довзийташ.

Электронни газета язле

(PDF) кӀира цкъа арадувла къаман юкъара «Сердало» газет, цӀагӀара ара ца воалаш деша таро я

Хьаязде
Вверх