Илдарха-Гӏалий тӏа вахача Шоанахой Руслана цӏенна пандус йир.
«Даьхен лорабой» ганза гӏалгӏай филиало, лаьрххӏача тӏема операце ветерана Шоанахой Руслана фусаме, хьакхеллар деррига хьалаш, из тӏем тӏа чов хилар бахьан долаш, заӏапхо ва.
«Бӏухой бахача адресах чуотташ ганзо новкъостал ду лаьрххӏача программанна чудоагӏаш. Из хьакхеллай тӏема ветеранашта эшаш дола вахара хьалаш лоаттадара. Бӏухо Шоанахой Руслан ше дӏа-юха лела могаш цахилар бахьан долаш, лаьрхӏар цу тайпара хьалаш цун фусаме хьакхолла. Хьалхагӏа, цӏагӏара аравоалаш хилча, сага новкъостал доацаш цун таро хилацар дӏа-хьа ваха. Из хаттар кхоачашдеш, ганза вахара координатора Темарханаькъан ӏийса лаьрххӏа цига ваха, бӏухочун фусаме эшар фуд хьежар. Иштта хьакхеллад тӏема ветерана вахаре эшаш дола технически кхерамзлен ӏалашо а йолаш дика хьалаш», - аьлар хоамо.
Заӏапхойла бисача вай бӏухой вахар аттача даккхара хаттар тахан хьалхарча аргӏагӏа кхоачашде дезарех да. Вай царна фу эш хьожаш хила деза. Чу-ара валара таро луш дола цӏен лагӏа даро аттача доаккхаргда бӏухочун вахар», - аьлар «Даьхен лорабой» ганза филиала социальни болхлочо Темарханаькъан Ӏийсас.
