«Аьрзи» яхача берий лагере баха хилар СВО ветеранаш
Лоамашта юкъе уллача «Аьрзи» яхача берий лагере «Хьалхарчар болам» яхача оагӏон болх дӏаболабара хетаяь кхетаче хилар. Тӏема операце доакъашхой бераш дар цига гулденнараш. Иштта кхетаче, лоархӏаме хьаьший болаш, дакъа лоацаш бар СВО ветеранаш Бохтаранаькъан Батыр, Бекботанаькъан Хьусен, Мурдаловгӏар Замбек, Хьаьшанаькъан Ӏамархан, «Даьхен лорбой» яхача ганза мехкарча филиала болхло вола Ӏарапханаькъан Мухьмад.
«СВО доакъашхошта, ветераний берашта боаггӏача боараме салаӏа новкъостал дар лоархӏамеча декхарех да тахан.
«Аьрзи» лагерера смена массехк кӏира хургья, цу юкъе я спортивни яхьаш, культуран оагӏонцара кхетаченаш, дешара оагӏонца дувзаденнараш», - дийцар «Сердалога» ӏарапханаькъан Мухьмада.
СВО ветеранаша дакъа лоацаш хиларо къаьстта лоархӏаме хетийтар из кхетаче. Берашца къамаьл деш ха яьккхар цар, хьалхадаьккхар яхь хилар, Даьхе езар, цун хӏама лорадеш вахар хӏаране декхар долга.
