Наьсарерча яхье дакъа лоацаш хилар СКФО мехкашкара волейбола ветеранаш
Республикан Ди дездара хетаяьча турнире дакъа лаца гулбенна хилар Къилбаседа Кавказа моттигашкара волейбола ветеранаш. Из хоам «Сердалога» бир Минспорта зарбан болх лелабераша.
«Йовлой Берда цӏерах йолча «Магас» спорта Цӏагӏа дӏайихьар из йоккха кхетаче. СКФО тайп-тайпарча миӏингашкара гулъеннача ялх тоабан доакъашхой бар, белгалбала гӏерташ, къовсабеннараш. Селий, нохчий, гӏаьбартой-балкхарой мехкара цхьацца, вай мехкара кхо тоаба яр цига. Лоархӏаме хьаьший болаш турнире баьхкабар мехкрча цу оагӏонцарча министерствон хьалха латта Белхарой Руслан, «Къулбехье, Къилбаседа Кавказ» яхача волейбола оагӏон хьалха латта Юрьев Егор. Котало кхаьчар дикка къахьийгача «Селий мехкара ветеранаш» яхача тоабанга, шоллагӏча моттиге эттар Магӏалбикера ветеранаш, хӏаьта кхоалагӏча лагӏа тӏа Нохчий мехкара ветеранаш баьлар», - дийцар тха газетага.
