Ишколашка хIама довзийтара урокаш луш ба хьайбай лораш
12.11.2025 10:18
Вай мехкарча ишколашка берашта урокаш луш, сага санна хьайбанна а доал эшилга, лазараш даржаргдоацаш ханнахьа маьхий тоха дезилга къонача тIехьенна хьалхадоаккхаш ба хьайбай лораш. Наьсарерча №12 йолча ишколера дIаболабир цар шоай болх. Берашта дайзар наха, хьайбашта юкъе даржаш долча лазарашца дувзаденнараш.
«Дешархошта лораша хьалхадаьккхар, моллагIа хьайба лазар кхийтта дий мишта ха йиш я; цул совгIа, могаш доацача хьайбо мIараш, царгаш теха болх хуле, эггара хьалха фу де деза.
Хьайбашца а фийла, царех дог лазаш, терко еш хила везилга дийцар къонача тIехьенга», - хоам бу «Сердалога» цу моттигера.
