ГӀалгӀайчен хьайбай лораш дакъа лоацаш хилар, мехкий юкъарча штабашкарча болх бе Ӏомалуча гӀулакха юкъе
20.11.2024 10:55
РСО-А Дигорски кхале дӀабихьар, ящур яха лазар дола моттиг дӀаяккхарах бола мехкашта юкъерча штаба Ӏомабалара болх. ГӀалгӀайчера цига дакъа лоацаш бар республикан хьайбай лорий урхаллен кулгалхочун гӀонча Хамхой Микаил, хьайбай лазарех долча республикански гӀулакха кулгалхо Фаьрганаькъан Мухьмад, яхаш, дийцар ГӀалгӀай Республикан хьайбай лорий зарбан болх лелабераша.
Болх бе Ӏомабалар дӀахьош дар, нагахьа санна хьайбашта лазар гучадаьнна моттиг Къилбаседа Кавказа доазон тӀа нийслойя, де дезар ховш хургдолаш.
«Хьайбашта лорал деча болхлоша шоай беррига болх дика вӀашагӀбеллар, доахана ящур оала лазар кхийтта моттиг нийслойя, дӀахо де дезар белгалдаьккхар», - йоах хоамо.
