ГӏалгӀайчен Ӏаьдало тӀахьожам лоаттабу, цӀи яьннача лозадаьча берашта
ГӏалгӀай Республикан Паччахьалкхен Председатела гӀонча, вахара Ӏалашон министр МутаӀаланаькъан Хьажбикар; унахцӀенон министр Ӏалбаканаькъан Зара укх деношка бахар берий республикански дарбанче, цига дарба деш да Эккажкъонгий-Юрта газ эккхарах лозадаь бераш.
ГӏалгӀай Республикан унахцӀенон Министерствос беча хоамах, кхо бер лозадаь дарбанче дигар, хала долаш. Царна ма хулла дикагӀа гӀо дара вай лораша бувзам лелабу, федеральни лорий центра говзанчашца.
Хоам бу, карарча хана зӀамигача берий могашал дикагӀа я. Шин бера, пехкашка дикагӏа садоахийташ йола аппараташ дӀаяьхай.
«Цига бахача хана, кулгалхой къамаьл хилар ден-бус берашка хьожаш латтача лорий говзанчашца, цар даьшца. Цу дезала ахчанца новкъостал даьд ГӏалгӀай Паччахьалкхен оагӀорахьара», - аьлар «Сердало» газетага ГӏалгӀай Республикан унахцӀенон Министерстве.
