Гӏалгӏайчен кулгалхой кийчлуш ба, электроэнерги лоаттаергйолча кердача моттигага бала
Тахан нормативно-бокъоний болх лелабара, «Ставропольэнергосбыт» ПАО ӏаьдала органашца бувзам лелабара, кулгалхочо Федотов Владимира дакъа лоацаш, Гӏалгӏай Паччахьалкхено дӏайихьача кхетаче дийцар, «Ставропольэнергосбыт» ПАОс республикан доазон тӏа тешшаме электроэнерги лоаттаяра балхах.
Аьтинга бетта 1-ча дийнахьа денз арабаьннача Российски Федераце Паччахьалкхен соцамах, «Ставропольэнергосбыт» ПАО чӏоагӏдаьд, ГӏР административни доазон тӏа тешшаме электроэнерги лоаттаяр.
Республикан Кулгалхочо Келаматанаькъан Махьмуд-ӏаьлас тӏадилла декхар кхоачашдеш, цу кхетачен чаккхе йир. Цига лаьрхӏар РФ энергетикан министра гӏончаца, «Ставропольэнергосбыт» ПАО кулгалхошца яьча чӏоагӏон болх дӏабахьа юридически нахаца. Цу юкъе республикански, доал деча даькъ тӏарча бюджетера ахча луш йола балха моттигаш а хургья дакъа лоацаш. Иштта цига дийцар шоайла бувзам лелабарах, электроэнерги лоаттаярах бола мах дӏабалара керда никъ цахаддаш дӏабахьарах дола хаттараш.
