Илдарха-Гӏалан ӏаьдало новкъостал ду СВО ветеранашта, моллагӏа дола гӏулакх кхоачашдеш
Илдарха-Гӏалан ӏаьдало новкъостал ду лаьрххӏача операце тӏема ветеранашта, уж цӏабаьхкачул тӏехьагӏа царна хьалхашка нийслуш дола моллагӏа гӏулакхаш кхоачашдеш.
«Кхетаче йолаш, шахьара кулгалхочо Дидиганаькъан Ахьмада, иштта «Даьхен лорабой» ганза гӏалгӏай филиала вахара оагӏонцара болх лелабеча Темарханаькъан ӏийсас, тӏема ветеранаша дийцар доал дара даькъ тӏарча бӏухошта новкъостал дара хаттараш. Цул совгӏа, цига дийцар лакха технологи йолча лорий новкъостал дарах, царна льготаш яларах, иштта тӏем тӏара цӏабаьхкача бӏухоша кагирхошца патриотически кхетам балара болх дӏабахьарах. Доал дара даькъ тӏарча кулгалхочо белгалдир, СВО доакъашхой, цар дезал хьаллацар администраце керттера декхар хилар», - аьлар хоамо.
«Вай бӏухой - боккъонца бола турпалаш ба, тха декхар да царна, цар дезалашта ӏалашо лоаттаяр. Тхо цар хьашташка ладийгӏа ӏеш дац, оаха хьаэц хӏара сага адрес тхоай теркаме», - аьлар Дидиганаькъан Ахьмада.
