Массанахьа дӀадийтта хӀама нахалдоаккха улгаш Ӏодоах Наьсаре

Шоай хӀама нахалдоаккхаш дола улгаш къоастаяь латтача бокъонга хьежжа хьалдеттаргдолаш, хьалхадоах шахьара кулгалхоша бахархошта. Кхаьч-кхаьчача дӀадийтта доахка хӀама кхайкадеш дола улгаш Ӏодаха болабелар Осканаькъан урам тӀара, цул тӀехьагӀа рейд дӀахьоргья МутаӀаланаькъан, Нохчий цӀерах долча урамашка.
«Хана йӀоахала бесазъяьннача баннера кӀада тӀа даь хоамаш да дӀадоахараш. Иштта гӀишлон куц толхадеш дола улгаш, кхыйола хӀамаш Ӏойоахаш латт.
БоаггӀача боараме деш дола хоамаш меттагӀдахац оаха. Из болх йистебаьнначул тӀехьагӀа, шоай гӀишлой куц эргадаккха, аьнна, тӀадулларгда оаха цар даьшта. Шоай хӀама дӀадовзийташ бола бизнесменаш цу гӀулакхо корзагӀбоахаргболга кхетаду оаха; бакъда, цу оагӀонца дувзаденнараш 2020-ча шера чӀоагӀдаь латташ да. Иштта оаха хоам бу, хӀама нахалдаккхара деш дола гӀулакх шахьара мэре экономикан гӀулакхех болча оагӀонца дийца хила дезилга», - аьлар тхога Наьсарерча администраце.