Наьсарерча ӏаьдало, иштта МЧСа дийцар 112 яхача шахьара бувзама хургдолчох
Наьсарен мэре, Гӏалгӏай Республике гӏолла йолча Россе МЧСа могаяь, лоархӏаме кхетаче дӏайихьар, шахьара кулгалхо Оздой Руслан керте а волаш. Изз хоам «Сердало» газетага бир доал деча даькъ тӏарча администраце.
«Кулгалхочун хьалхарча гӏончаца Котаганаькъан Аптеца, МЧС ЦУКС кулгалхочунца Йовлой Ахьмадаца, цун г1ончаца Овшанаькъан Русланаца, ЕДДС шахьара кулгалхочунца Леймой ӏаьлаца цхьана дийцар мишта новкъостал дергда наха дикагӏа, сихагӏа», - йоах хоамо.
Цхьана болх дӏахьош лаьрхӏар, цу гӏулакха кхы а ши саг юкъевоалаве. Бехктокхамеча даькъ тӏа цӏенхашта болх вӏашагӏболла цаӏ; цул совгӏа, дика диспетчерий хьалаш вӏашагӏдохка, уж ба денна, бийсан атта доацача хьалашка болх бе безараш.
Из деррига балха хьал хьакхоллаш да шахьара ӏаьдало, хатар хиннача оарцагӏъухараша цхьа маӏан долаш - новкъостал дехаш хьакхаьчача хӏара хоама сиха, нийса терко яра.
