Наькъашкара хьал лорадара тӏехьа къахьегаш ба Шолжа-Шахьаре
Наькъашкара хьал лорадарах дувцаш, шахьара дас ӏумаранаькъан Аслана кулгалдеш дӏайихьача аргӏанарча кхетаче белгалдир цу оагӏонца кхоачашде дезараш.
Машинашца леларашта, иштта гӏаш болхарашта паргӏатагӏа хургйолаш малагӏа кхоачамбоацараш юстардаха деза дийцар гулбеннараша. Базар латтача доазонах дувцаш, цига белгалдир, кхаьч-кхаьчача ӏоувтташ болча таксисташа машинашта дӏачуотта моттиг ца юташ, деррига наькъаш дӏакъайла, паргӏатта дӏаваха аьттув боацаш цигара хьал толхадаьлга.
Из гӏулакх меттадоаладе, аьнна, тӏадиллар шахьара дас.
Иштта кхетаче дийцар мехкарча наькъий гӏулакхех йолча министерствоца бувзаме болаш, проекташ йоаржаяра тӏехьа царна гӏо деш, оагӏув хьаллоацаш болх дӏабахьарах. Комиссе белгалдаьр кхоачашдеш ГИБДД дӏабихьача балхах дийцар цига. Цу оагӏонцара болх лакха терко лоаттаеш дӏахо дӏабахьа лерхӏ шахьаре.
