«МахьмадхитӀе-2» яхача подстанце болх дӀахьоча юкъа, цхьайолча моттигашка ток хургьяц
«МахьмадхитӀе-2» яха 100 Кв йолча подстанце, «МахьмадхитӀе -2- МагӀалбик-2» яхача тока оагӀон гуйран-Ӏан кийчо еш болх дӀаболабаьб «Къилбаседа Кавказ россетий» я болхлоша. Подстанцера тишъенна оатхалаш хувцаш, керда тока саьргаш чудоахкаш къахьегаргда цига.
Цу гӀулакхо тоадергда МагӀалбикера, СоагӀапчара, Долакоара, Инаркъера тока хьал. Ахкан ха вайцига сов йӀайха, садикъа латтарах, укх бетта, тӀабоагӀача бетташка дӀахьоргболаш тӀехьатеттабар из болх. Из бахьан долаш, 12 сахьатагара ялх сахьат даллалца ток хургьяц МагӀалбике, МагӀалбика кхален юрташка.
(http://Ӏngush-energo.ru/) - «Ингушэнерго» филиала укх сайте гуш хургда малагӀча моттигашка ток хургьяц, иштта Контакташ яхача оагӀон тӀа - (https://vk.com/club211272920).
Ток дӀайоаяра бахьанах кхеташ, сатохаш хилар дех бахархошка.
