Россе хьалхале яккхара яхьашка толамаш даьхар вай бархӏ каратиста
Россе йоккхача яхьашка белгалваьлар вай бархӏ каратист. Орел яхача шахьаре хилар из йоккха кхетаче. «Сердалога» из хоам бир Минспорте.
«Цхьан кӏира лаьттача яхье ше-ше котвала гӏерташ вар 14-20 шераш даьнна 2500 каратист. Дикка белгалбаьлар вай спортсменаш цига».
Лакхерча лагӏа тӏа баьлар Шазмурзанаькъан ӏаддал-Малик (16–17 шу, 85 кг, СЗ), Эльджаркъанаькъан Адам (16–17 шу, 90 кг, СЗ), Цӏечой Дауд (14–15 шу, 64 кг, СЗ), Гаьгенаькъан Килар (14-15 шу, 57 кг, СЗ). Коталонга кхача цхьа гӏа мара боацаш вар Шовхаанаькъан Ахьмад ( 76 кг, С3). Борза майдилгаш ӏоэхкар Шовхаланаькъан Назира (14–15 шу, 51 кг, СЗ), Ноакастхой Адама (18–20 шу, 85 кг, СЗ), Томбенаькъан Адама (14–15 шу, 76 кг, СЗ)», - йоах тхога бенача хоамо.
Спортсменаш кийчбаь тренераш ба Шовхаланаькъан ӏаддал-ӏазит, Котанаькъан ӏийса, Рассумовгӏар Исмаӏал, Иленаькъан Исмаӏал, Къоастой Джабраил.
