Наьсарен №2 йолча берий беша ухача берех спектакла турпалаш хилар
Наьсарерча №2 йолча берий беша доккха интерактивни хьал доаржадир. Цу моттигах цхьан юкъа театра майда йир, цун керттера хьажархой хилар деша даха ха йоаца бераш. Лаьрххӏа царна къонача зритела Театра актераша Курскенаькъан Риммас, Чуранаькъан Азамата кийчбир «Цӏе кийнг» яха цӏихеза фаьлг. Из дукхаза бӏаргадайна а хеза а дола истори кердача тайпара гойтар, хӏара бер дикагӏа кхетаргдолаш. Берашта безам тӏагӏоргболча оагӏорахьа из гойтара лаьрххӏа кийчо яьяр, цар таро хилар турпалхошца къамаьл де, Цӏеча Кийнга новкъостал де, цу тамашийнача сюжета цхьа дакъа хила.
«Интерактивни кепара из хилар бахьан долаш, берий таро яр цу юкъе дакъа лаца. Зал боккъонцахьа йола хьу хинна дӏаэттар: бераш новкъостал дора керттерча турпалхочун тускар чу зизаш, комараш йоахкаш, цӏогӏарч хьекхар говза Борз йоагӏача хана. Актёраша зале хиннарашца болх бора, сиха теркалдора берий дешаш, уж юкъебоахар, кхыметтел эггара чӏоагӏагӏа эхь хетараш а. Берашта довзийтар театра дуне», - аьлар «Сердало» газетага Гӏалгӏайчен ТЮЗе.
Курскенаькъан Риммас белгалдир, цу кепара спектакль берашта гойтар боккха мах болаш хилар. Хӏара бера хеталу ше цу юкъе дакъа лоацаш санна, из лоархӏаме да дӏахо уж укх вахара хьалашца хьакхаштабахара.
Уж цецбувлаш, керттерча турпалхочун оагӏув хьаллоацаш болча хана, ший тайпара сурт оттар зале. Цо лоарххӏаме кхетам балара оагӏув дӏалоац. Цо берашта лу безам, дог лазаш хилар, мах баь варгвоаца тешам, шоай низах, шоашта ховш долчох тешар.
