Кердача Реданта ДК Ӏомалуш бараша ГӏалгӀайчен байракх тийгар
08.07.2025 15:23
МагӀалбика кхален Кердача Реданта ДК дӀахьош долча «Тай-маха» яхача маха баккхара гӀулакх Ӏомадеш бараша Даьхенцарча безама дезде лаьрхӀар ши ди-ГӏалгӀай Республикан паччахьалкхен байракха Ди, иштта ГӀалгӀай паччахьалкхе хьакхелла Ди. Шоай хьехамчас Дзовранаькъан Хаде кулгал а деш, цар тийгар ГӏалгӀайчен байракх. Цох дийцар «Сердало» газетага МагӀалбика кхален администраце зарбан болх лелабераша.
Белгалду, кружока кулгалхочо берий болх гойтале хьалха дийцар паччахьалкхен белгалонех, миштай байракх, герб, гимн.
«Керттера терко тӀаяхийтар гӀалгӀай байракха исторена, республикан бахархошта болча цун лерхӀамах», - аьлар доал деча даькъ тӀарча дешара урахалле.
