Наьсарен РДК ӏомалураша гуйран басараш гойта сурташ даьхкар
Наьсарен кхален культуран Цӏагӏа дӏайихьар литературан-ашарий «Гуйран сурт» яха композици, цох доккха совгӏат хилар цига гулбеннарашта, хьаьшашта. Из болх вӏашагӏбеллараш бар РДК болхлой Эккажанаькъан Мадина, Кӏуренаькъан Ӏайна.
«Дагалоацамца, тамаш ярца хоалуш; ерригача программах чакхйоалаш дӏайихьар гуйранара тема. Культуран Цӏагӏа ӏомалураша хоза байташ кийчъяьяр, иштта дагаухар цу шера ханах лаьца хьаькъале кӏоанолгаш. Гуш ма хиллара, цу ханаца бувзабенна дагалоаттам профессиональни суртанчий, поэтий санна ба берий а. Бераша шоашта хьалхашка латташ мел йола гуйран хозал гойтар шоай сурташца. Иштта хьакхолл ӏаламцара безам, экологически культуран кӏийле», - аьлар «Сердало» газетага Наьсарен РДК кулгалхочо Дзейтанаькъан Темарлана.
Къонача суртанчий дерригача балхаша шоай моттиг дӏалаьцар лаьрххӏача тематически гойтаме. Эггара хозагӏа дола къонача суртанчий балхаш чудоагӏар цунна.
Из гуйран кхетаче бокъонца дола цӏай хинна дӏаэттар. Берий деладаларах гуш дар, царна из болх безабенна хилар.
