РОАГ дешара ишколе дакъа лоацаш хилар вай мехкара лораш
Укх деношка Шолжа-ГӀалий тӀа дӀайихьача 146-ча Россерча акушерех-гинекологех латтача дешара ишколе дакъа лоацаш хилар вай мехкара 48 лор. Царна юкъе бар акушераш-гинекологаш, неонатологаш, иштта кхыбараш а. Из хоам «Сердалога» бир унахцӀенон гӀулакхех йолча министерстве.
Кхетаче дийцар берий, ноаной унахцӀено лораярах, берах хилар хала токхаш болча кхалнаха тӀахьожам лоаттабарах, гестационни диабета дхьала дарба дарах, иштта унахцӀено лораяра тӀехьа федеральни оагӀоно дакъа лацарах.
Дешара ишкол лорашта боккха пайда луш хилар. Берий, ноаной могашал лораяра тӀехьа дукха кердадараш дайзар лорашта цхьан истола гонахьа дӀакхихьача кхетаченашка, семинарашка.
«Иштта йолча дешара ишколе дакъа лоацаш хилар лорашта лоархӀаме да, шоай кхетам лакхбе, керда хьадаьннараш дӀа-хьа эца аьттув хул цар. Вай мехкарча кхалнаха, берашта лоаттадеш дола гӀо дикка тоадара тӀехьа лоархӀаме да из»,- белгалдир акушер-гинекологий Юкъарлон хьалха латтача, унахцӀенон оагӀонцарча Ӏилман доктор, профессор йолча ГатагӀажанаькъан Заретас.
