Лораша газа гӀулакха болхлошта пунчена духьала маьхий техар
Юкъарлон унахцӀенон, лорий профилактикан Республикански центро, Наьсарен-Шахьара поликлиникаца цхьана, Корпоративни программо УОЗ чӀоагӀдаь ма хиллара: «Балха моттиге къахьегамхой могашал чӀоагӀъяра», «Назрань межрегионгаз Газпром» ООО болхлошта гриппа (пунчена) духьала маьхий техар, уж ца техача даргдоацилга царна хьалха а доаккхаш, яхаш, дийцар «Сердало» газетага ГӀалгӀай Республикан унахцӀенон Министерствон зарбан болх лелабераша.
«Грипп яха лазар сиха дӀа-юха доалаш да. Цунна чуйоагӀаш йола вируса шод дӀаяржаш я. Из бахьан долаш каст-каста цун керда тайпа хьахул. ДикагӀа да ший ханнахьа маха теха, лоралуш хилар», - аьлар лораша.
Газпрома дукхагӀа бола болхлой маьхий теха ба. Уж болча моттиге дӀабихьаб из болх, балха тӀара а ца боахаш.
Болам йистебоалаш, царна дӀабийкъар маьхий тохарах бола хоам.
