Хала бер даь нанеи цун бери меттадоагӀаш латт
Республикерча бераш деча, царга хьожача моттиге; доккха цӀай да ала йиш я. Лораша яхачох, Даьла низаца, Цун къахетамца бер деш геттара халача хьале этта нанеи цун бери могаш-маьрша хьабаьлар.
Из хоам «Сердалога» бир унахцӀенон гӀулакхах йолча министерствос. ПхезлагӀа бер деш йола диъ бера нана Ганенаькъан Залихан лораша чӀоагӀа унзара лоархӀаш долча хьале эттар, бер деш. Шоай мел йола говзал оарцагӀъяьккха, чӀоагӀа сабаре хила бийзар, нана эттӀаяь, бер хьалъэцаш хиннача лорий.
«ДегӀа геттара зӀамига йола Аьсет, лораша лакха тӀахьожам беш, тахан низа чӀоагӀлуш йоагӀа. Нанеи бери, могаш долаш, цӀагӀа да. Хутенаькъан Мадинайна, иштта цигарча берригача болхлошта доккха баркал оалаш я тахан Залихан.
Иразе, маьрша бахалба уж! Шоашта мел могар деш, лаьттача лорашта доккха баркал хилда!» - дийцар «Сердалога» унахцӀенон министерстве.
