Сакхетам чу ца йоагӀаш ши кӀира даьлча, кхалсаг меттайоалае низ кхаьчар лорий
28.05.2025 10:22
Шин кӀира сакхетам чу ца йоагӀаш, иллача ха яхача кхалсага хьал аттача даккха аьттув белар Дала вай лорашта. Из хоам «Сердалога» бир цу оагӀонцарча министерствос.
«Геморрогически инсульт» яхача хьало сакхетам чура яьккха, хала йолаш, дарбанче кхаьчар вай мехкахо. Реаниматологаш, невропатологаш, терапевташ цхьана гулбенна; нийса дӀадихьача дарбах Дала ший къахетамца сакхетам чу йоалайир из саг.
«Из тайпара хьал геттара хала лоархӀаш да, саг атта хьавоалаш лазар дац. Даьла низаца хьакхийтта, меттайоагӀаш латт из кхалсаг. Цу гӀулакхо хьахьокх, халача хьале вале а, ханнахьа лорашта тӀакхачар, деш дола дарба нийса, боаггӀача боараме дар мел лоархӀаме да», - дийцар министерстве.
