ГӀалгӀайчен выпускника, ЕГЭ дӀалуш, 100 балл яьккхар
Магаса №1 йолча юкъерча ишкола выпускник волча Коазой Хизара Микаил чувоагӀаш ва 2025 шера Россе дикагӀа болча выпускникашта, ЕГЭ дӀалуш химех цо 100 балл яьккхар, яхаш, хоам бу ГӀалгӀай Республикан дешара Министерствон зарбан болх лелабераша.
«Сердало» газетага цу боахаме ма-аллара, Коазой Микаил, деша волавелча денз, ше дикача оагӀорахьара гойташ вар. «Дика» дешаш вар, ишколан юкъара болх дӀахьоча хьинаре дакъа лоацаш а вар, иштта ерригроссийски олимпиадаш йолаш, хими яхача Ӏилмах дикагӀча кхаь дешархочох цаӀ хилар из.
Юкъера ишкол яьккха ваьлча, цунца цхьана из ваьлар ашарий ишкол яьккха а, чӀондарга классах йола. Цул совгӀа, художественни ишкол а яьккхар цо.
Микаил лаьрхӀа ва лор хила. Цу тайпара таронаш цун хиларах, цо лаьрхӀар кхоачашхила мегаш да.
Даькъалавувц Микаил дешара даькъ тӀа, цун лакхача толамашца. ДӀахо а иштта аьттув балба хьа!» - гӀадбахарца аьлар ГӀалгӀайчен дешара, Ӏилман Министерстве.
