Гӏалгӏайчен выпускникаш академе деша отта бех
Гӏалгӏай Республике гӏолла йолча Россе УФСБ дӏахьу 11-ча классашка багӏача дешархошта юкъе мехка Iаьдала бокъонаш лораерий лакхерча дешара моттигашка баха раьзабараш хоржаш бола болх.
11-ча классашка дешаш бола кагирхой таро йолаш ба Москверча Россе ФСБ академе; Орёл яхача шахьарерча Россе ФСО Академе; Москверча, Калининградерча Россе ФСБ доазув лорадерий институташка; иштта Анаперча бердаш лорадерий Институте деша отта.
11-ча классе дешаш бола мехкарий бех кхыча паччахьалкхен метташ ӏомадара, иштта криптографе, бувзама, иформатикан Россе ФСБ Академе институте.
Кийчо дӏахьош я иштта «Компьютерни кхерамзле», «Шо-шоаш лелача гIирсий кхерамзлен оагIув» яхача говзалех.
Деша отта ловш волчо каьхаташ чудала деза 2027 шера тушола бетта 1-ча денга кхачале укх адресах: Гӏалгӏай Республика, Магас-Шахьар, Горчханова урам, цӏа 9.
Деша оттараш тӏаэцаш дола ди - ера, 09:00- 18:00 сахьаташка.
Тӏехьара тӏа бола хоам хургба Гӏалгӏай Республике гӏолла йолча Россе УФСБ кадрай даькъага гIолла укх телефонах: 8 (8732) 22-05-48.
Из моттиг болх беш я, оршот денгара пӏаьраска денга кхаччалца 09:00 - 18:00 сахьаташка.
