Гӏалгӏайчен къона эскархой бахар, «Орлёнок» яхача Ерригроссийски берий центре
Гӏалгӏайчен къонаэскархой бахар, Ерригроссийски «Орлёнок» яхача берий центре, цига цар шоай сакхетам лакхбергба, шоайла проекташ ювцаргья.
«Дикагӏчарех цаӏ йолча цӏихезача берий дешара моттиге хӏара шера тоалашагӏа бола хьинар дараш, хьалхале лелаераш, ерригача Россера начӏал дола бераш гуллу. Цига бахаро таро лу доакъашхошта лоархӏамеча программашка дакъа лаца, керда нийсархой бовза, шоайла уйлаш екъа, спортивни, кхоллама проекташ кийчъе», – аьлар Гӏалгӏайчен къонача эскаре.
«Берашта дика салоӏам хилар лов, йоккха коталонаш яха низ кхоачалба цар, эггара дикагӏа йолча уйлашца юхабахкар хилда цар! Из хана юкъ кердача таронех йиза хийла! Гӏалгӏайче, хьалха!
Тхо тешаш да, оаш вай республика цига дика дӏагойтаргхиларах, кердача толамашца, дицлургдоацача исторешца шо цигара доагӏаргда, аьнна, хет тхона!» - аьлар штаба кулгалхочо, «Къона патриот» ГБУ кулгалхочун декхараш кхоачашдеш волча Муружанаькъан Мухьмада.
