ГӏалгӀайчен къона эскархой МКЖР экскурсе бахар
ГӏалгӀайчен къона эскархой бахар вай къам мехкахдаккхара дагалоаттама Мемориала комплексе, цига баха цар таро хилар «Пушкински картах». Хьалхарча миноташка денз, уж уйлашца чубаьлар исторе хьалашка-уж хьежар тамашийна каьхаташ тохкаш, доалахьара хӀамаш йовзаш, сага вахарах дар дукхагӀа ха гӀерташ, массайолча исторе оагӀонашка. Дӏаяхача ханашкара дагалоаттам - из вай хургдолчун кӀийле я.
«Бераш экскурси дӀахьош ладийгӏа а Ӏацар, цар лора эггара чӀоагӀагӀа шоашта дагадоахкаш дола хаттараш. Цу кхетачено цӀаькхаза хьагойтар истори дезаш хилар, хӀаьта «Пушкина карта» - из вай Даьхен культуран мах бараш довзара дӀоагӀа да», - аьлар «Сердало» газетага МКЖР зарбан болх лелабераша.
Тхога къамаьл даьчо белгалдир, ГӏалгӀайчен Мемориальни комплексе кагирхошта юкъе культурни кхетаченаш дӀаяхьара «Пушкински картах» водаш хилча маьхаш чухьнахьа да, «Хьабоалабе музее хьай даьй» яха болам дӀахьош хиларах.
14-22 шерга кхаччалца ха яьннараш бокъо йолаш ба, «Пушкински картах» МКЖР культурно-довзара кхетаченашка баха, маьха 10 процент чухьнахьа.
Цхьана вахаро таро лу, музея экспозице вахара кӀоаргга уйла е исторически тӀехьален, иштта тайп-тайпарча ноахалий викалашца къамаьл хила.
