Къонача дзюдоисташа ерригроссийски яхьашка дика толамаш даьхар
20.02.2025 16:41
Эбарга-Юрта спортивни ишколе Ӏомалуш болча спортсменаша дика толам баьккхар, Шолжа-ГӀалий тӀа дзюдох дӀахьош хиннача яхьашка. Цига дакъа лоацаш вар 400 спортсмен. Вай спортсменаша кхоъ дото, кхоъ борза майдилгаш яьхар, яхаш, дувц «Сердало» газетага Шолжа кхален администраце.
«Уж яхьаш белагалйоалаш яр яхье баьннараш дукха хиларца, цудухьа даьха толамаш а лоархӀаме дар. Вай спортсменаша гойтар дика кийчо яь хилар. Дото совгӀаташ даьхар Галай Рамзана ( 60 кг), Батайнаькъан Адама (50 кг), Куштанаькъан Мухьмада (42 кг), иштта Оздой Адама (32 кг). Борза майдилгаш цу яхьашка яьхарех хилар Оздой Мухьмад (60 кг), Куштанаькъан ИбрахӀим (46 кг), Оздой Мухьаммад (38 кг)», - аьлар хоамо.
