Къонача агрономашта Йоккхача сомий беша болх бовзийтар
Къонача агрономий клуба доакъашхой «Сад-Гигант» яхача ООО беркатеча моттиге бига хилар Россельхозцентра республикерча филиала болхлоша. БӀарчча экскурси дӀайихьар агрономаш хила безам болча къонабарашца. Из хоам «Сердалога» бир РСХЦ зарбан болх лелабераша. Шолжа шахьарерча №2, №4 йолча ишколашкарча къонача агрономий кружока доакъашхой аьттув хилар, цу ерригача моттиго ший болх дӀа мишта хьу хьажа.
«Агрономий гӀулакх Ӏомаде чам болча къонабарашка дӀахьекхар, гаьнаша лазар лоацаргдоацаш, сом дикагӀа латаргболаш малагӀа тайпа болх дӀабахьа беза, чуийца сомаш мичахьа, мишта боадабе беза, из беркат тайп-тайпарча моттигашка дӀадохьийташ бола болх мишта дӀабода, иштта кхыдараш а.
Шоашта мел дайнар чӀоагӀа тамашийна хеташ, из болх безабенна бар, кхоана агрономаш хинна ураотта ловраш», - дийцар тхога РСХЦ болхлоша.
