Ялх герз цхьан дийнахьа дӏаделар бахархоша ӏаьдалга
«Герз» яхача бахархошта юкъе боаржабеча балхага гӏолла, ялх герз дӏачуделар ӏаьдалга бахархоша цхьан дийнахьа. Из хоам «Сердалога» бир МВД. 04C0аьдало доаржадеш дола из гӏулакх дикка пайда беш, бахархой цу оагӏонцара кхетам сомабоаккхаш да.
Бахархошта хьалхадоаккх, бокъо йоацаш цӏагӏа дӏадилла герз улладар бехктокхаме озаш хӏама долга. Бӏаьзза дикагӏа да из дӏачуделча, ӏаьдало ахча а лу хьона из бахьан долаш.
«Дӏадахача дийнахьа ялх саг вера МВД болхлой болча герз дӏачудала ловш», - йоах МВД бенача хоам тӏа. Дӏачуденнача герза юкъе я мажара топ, чарахьал деш лелаю топаш, тепчаш.
Хӏара герз ший истори долаш да, хӏаьта эггара лоархӏамегӏдар – хила деззача моттиге из дӏакхачар. Цхьадола герз МВД Тохкама-криминалистически моттиге дӏадахьийтад тахка аьнна. Полице болхлоша юха а кхайкарал ду бахархошка. Боккъал а ма улладе шоай цӏагӏа герз, дӏачуле из ӏаьдалга, яхаш.
