Из гIулакх тохкаш болча балхага хьежа оттадаьд, цу саго а, иштта цунца хинначо а, Iеха а ваь, МагIалбика вахархо, саг воацача яьссача ара дIавигав, аьнна.

ХьалхагIа цар цу сагага аьнна хиннад, шоашта вовзаш волча лоро капельница а оттаяь дарба дергда хьона, аьнна. Шахьарерча паркаи, керттерча района больницаи доазон тIа, цунна низ тIабихьа, цунгара 25 эзар сом хьадаьккхад цар.

Цул тIехьагIа, цу моттигера дIа а баха, из ахча цар дехкад.

МагIалбика шахьарерча судо бехке ву, хьа а лаьца, чувелла маIсаг.

Цунна зIамига ялх бер хилар дIа а лоархIаш, ше хьадаьккха ахча цо юхадалар а юкъедоаладеш, цхьа шуи, цхьа бутти набахтен ха техай цунна. Цунца хинначунна духьала, уголовни гIулакх кхыча даькъа тIа хьадийллад.